(0)其實唔知道仲有咩人會睇大餅個blog ，睇的人可能太都知道他的現況。
現況十分簡單：大餅又辭職了。辭職的理由十分多，多到數唔曬，最簡單直接的一個就是，他將會去北京讀普通話。
友人聽到這個消息，第一個反應都係：
「下！普通話都要去北京讀？我教你都得la！」
係大家作出這個反應前，他叫我和大家事先講明，佢對這個反應是很不高興的。了解大餅的各位，或者可能會知道，佢係一個好介意人地睇法的人，但係與此同時，佢又係好自把自為。就係呢個矛盾令到佢個人都係short short 地，好麻煩。
所以係大家反對佢之前，我就幫佢解釋下la。其實以佢份人，要佢係香港乖乖地讀普通話呢就一定仆硬街ka la，因為佢呢個人好心散的，得閒的話佢都會走去說頻睇小說、玩無聊的網上遊戲，就係唔會用黎讀書。所以，去北京其實係孤注一擲，因為嘛，去北京去成三個月，如果都讀唔到咩返黎，咁會俾人笑ka ma。同埋，大餅都希望係呢三個月內讀好d 英文。希望三個月返來後，可以語文能力可以有點長進。
而且，一直以來大餅都想離開香港。唔係話香港唔好，而係希望自己唔好局限係一個地方入面。可惜大餅讀書唔成，唔可以好似這人那人咁坐船去外國讀書，而又冇錢，所以嘛，背靠祖國就係一個好好的選擇了。
某些朋友早前也許收過一份餅餅前程諮詢文件，實在十分唔好意思，正如君君同學指出，入面根本就冇呢個北上的選擇，這不啻是一個假諮詢，我只可以說，有是有不是。大餅早前提過讀會計，其實係真係好仔細咁考慮過，亦考慮緊。不過，要投資一年的時間去讀一個自己未必可以入行的科目，冒險好像很大。現在大餅的想法就是，北上回來，試下報big-4 la….因為他們有training program ，唔使我自己花錢去讀。但老實說，我也知道自己的成績大差，人地連見的機面也不未必會給我，但無論如果，回來時我總會試一次。
今天先談到這裡，晚點再補充吧。希望友人別說我在這裡「無乜好睇」la….多多支持，還有記得簽個到ar….