大餅的記事本

好，冇記呢，其實又唔係話重要得咁厲害，或者我地可以睇下，呢個故事描寫的神，又係咪聖經中我地認識的人呢？

呢個故事講，有條友仔，回顧佢人生的低谷時，發現冇神係度陪住佢喎。佢就問：「神啊神！那時候你去左邊呢？做乜唔照顧住我ka！」神就同佢講：「我那時候唔單陪住你啊，仲抱住你行tim啊！」故事完了。

其實，我呢家睇返，個故事都好奇怪。佢地之後的對話去了邊呢？友仔感動到出唔到聲？

我總覺得，故事係有個好大的漏洞。如果話條友仔最困難的時候神照住佢，冇理由佢感受唔到ka wor。佢話冇腳印，係咪就係佢好輕鬆咁渡過呢個難關呢？如果係咁，呢個都唔係難關la。但如果唔係，咁那一對腳印咪係佢自己law？神呃佢？

以上的都係吹吹水，反正嘛，佢又唔係聖經入面的故事，唔係真理問題呢？不過，有件更重要的事要講。

我唔覺得，神會係人最低沉和難過的時候抱住你。我相信，神會同你一齊行，陪住你去渡過呢段艱難的歲月。但係，苦難係要你自己去承受，試探係要你自己去戰勝。神會幫你，但一定唔會係佢幫你ko曬個問題，係要你自己去面對。

我好記得，以前傳道人講過一件事：信耶穌唔係信黃大仙。黃大仙有求必應，但神唔係。基督教的上帝，唔係一個你求佢佢就會俾你的上帝，佢幫你唔等於你咩都唔使做，依靠佢唔等於你唔駛面對痛苦、傷心等等負面情緒。

我怕有時候基督徒把我們的神太過「神化」的，呢種「神化」係將一般的民間信仰觀投射都基督宗教的神身上，將佢當成有救必應云云。所以，我一向都唔鍾意聽見證，講邊個邊個係沙士靠住神所以冇死到，咁，我地對得住其他299條人命嗎？又甚至，又係沙士時的邊個邊個基督徒醫生，將佢講到好偉大。我唔反對贊揚佢，佢的確係好值得人欣賞，一個為自己專業犧牲的人值得人歌頌的，但係，呢d 有關信仰咩事呢？乜所有死的醫護人員就係基督徒咩？冇佛教啊等等有宗教冇宗教的嗎？over generalize 的問題係，如果一個基督教的醫生的好行為成為基督教的賣點，同理，難怪一個基督教的傳道人搞細佬，我地又係點處理呢？

足印故事好感人，但感人就唔係一定講得啱的。當時，我明白呢個故事想講的訊息係，有時我地係人生的低谷時認為神冇與我們同在，好可能只是我們感受的問題，佢可能就係我地的身邊，但我們感受唔到。不過，我唔接受係因為神抱住我地所以唔發覺（太唔合邏輯了！！）原因好可能係，我地太著重個苦難而忽略了神，又或者係我地太喜歡當自己係約伯令自己或人地覺得自己好勁，又或者其實根本平日有苦難冇苦難都好神同在的感覺都一直係好難感受到……無論點都好，寫得呢篇野當然就係有d 野，不過寫黎都係comfort 下自己啫！！